l Lions Club Castelsardo ha bandito il concorso annuale per l’assegnazione di una borsa di studio di mille euro a uno studente che ha conseguito la maturità nell’anno scolastico 2020/21 e si è iscritto all’Università per il corrente anno accademico 2021/22.

Da-e cale funtana saborida

bessis a campu? M’intras in sas venas

cun sas tuas suaves cantilenas

e m’addulchis sas penas de sa vida.

Ah, cantu mi carignas e m’istimas

e cantu ‘e m’istimare mi dilettas!

Mi nd’’attis fin’a domo sos poetas

ch’han in s’isula sarda ispartu chimas

cun fozas d’oro e profumadas rosas

in s’umile domitta de ‘Aldedu

che suni Sechi e Grolle de Nughedu[1]

sos sazerdotes Dettori e Derosas.[2]

Su dulche mele chi tenen in coro

oe mi mustran pro mesu ‘e sas laras,

ue regalan puru a tintas giaras

sa bonidade e cortesia insoro.

Custu caru improvvisu incontru nou

est che-i cuddu diciu tramandadu:

“Ogni essere a ispiritu impastadu

istat chirchende su simile sou”.

Avanzade, avanzade! Ajò, intrade

in domo, no hapedas contivizos!

Custa est s’isposa, custos mi sun fizos,

e deo, caros, de ‘ois so’ frade.

Pedras da-e su tempus cunsumidas,

postas in giru a su cuile meu:

che a mie, in cust’ora de recreu,

ismentigade sas penas suffridas.

E nois frades fattemus tesoro

de custa die e, ca umpare semus,

ajò, intantu nos iscambiemus

cosas chi brincan da-e coro a coro.

Cfr. BAINZU TRUDDAJU, Rosas e ispinas de Baldedu, Ivo Melis Editore, Cagliari 1992, pag. 51-52.