Immagini del paese
Statistiche
Tot. visite contenuti : 11349394Notizie del giorno
Ballu cantadu |
![]() |
![]() |
![]() |
Venerdì 26 Aprile 2019 10:29 |
di Stefano Demelas Zaramontesos ballade su ballu pius’antigu ‘ogn’istranzu, ‘ogn’amigu a bonu cor’azettade.
Custa ‘idda de s’Anglona, cunfinend’a Logudoro, rein’e su bonu coro de Sardign’in dogni zona.
Ballaian cun amore giajas e giajos mannos, in su passar’e sos annos no has mudadu colore.
Cando da-i giann’in gianna de ballu fatend’iscolas e in tempus de arzolas si faghiat festa manna.
bi fit s’amore prufundu, ballaian’a ballu tundu sos bajanos cun bajanas.
Su recreu fit inoghe, cun cuddas giovanas bellas, fit a lughe de istellas su ballu cantadu a boghe.
Inoghe fin sos incantos cun s’amiga e cun s’amigu, su ballu pius antigu balladelu totu cantos.
Custa ‘idda fentomada, de un’antiga istoria, sutt’a su casteddu Doria oj’a sole piazzada.
Sun sas baddes maestosas, friscas in caldos istios, funtanas, trainos, rios, buscos e tuppas umbrosas.
Custu logu preferidu pro amadas allegrias, binzas ortos e ulias, tancas de trigh’ingranidu.
In cuddas eras lontanas de misterios e talentos, sos antigos munumentos nuraghes, domos de janas.
De tantas cosas padrona ch’a sa zent’has regaladu, sos poetes han buffadu sabba pur’e s’Elicona.
Sos poetes no sun solos: ch’hamus cantos a chiterra, boghes ch’ispaccan sa terra, frades a sos rosinzolos.
Sos massajos e pastores, artigianos de ogni gradu, fatemus ballu cantadu umpar’a sos cantadores.
Cun sa nostra onestade, divertide chen’obblìgu; su ballu pius antigu, zaramontesos, ballade.
Cfr. Poesias de Istevene Demelas, ed. Grafiche EsseGi srl, Perfugas 2012, pagg.67-69.
|
Ultimo aggiornamento Venerdì 26 Aprile 2019 12:18 |