A fine Febbraio chiuderemo definitivamente il sondaggio sul nuovo anno. Ma chiameremo i nostri lettori a esprimersi su un altro quesito, che proporremo a decorrere dal 1. Marzo prossimo.

de Istevene Demelas

Cando serena falat sa fiocca,

in sos primos tres meses de s’annada,

in nottes d’entu e de temporada,

sos sonazzos s’intenden zocca zocca.

Su teraccheddu si alzat sa brocca

de abba frisca e dad’intasada.

Pensat: “Est notte ‘e craba inconcheddada”

E s’afffianzat coment’e una jocca.

Fin populados fina sos barraccos;

como de cussa zente pius non ch’hada

de abitare in cussas dimoras.

Non b’hat pius padronos ne teraccos

In sa campagna nuda e desolada,

regnu ‘e ziligugos e coloras.

Poesias de Istevene Demalas, ed. Grafiche EsseGi s.r.l., Perfugas 2012, pag. 22