Natale 2018 e Anno nuovo 2019

A Pàulu Pulina, in sa die de su 65° cumpriannu, Tàtari 8 de nadale 2013

In su millenoighentos barantoto,

a sa vida Pauleddu est arrividu!

In su mese ‘e nadale su die oto,

S’Immaculada a Piaghe l’at batidu.

Festa in sa bidda a pius non poto,

cun allegria e gioja l’ant retzidu;

e nd’aiant rejone, como noto,

cunsiderende a ue ch’at giompìdu;

ca si ch’est collocadu in altas chimas

de sa cultura e sa literadura

de sa Sardigna e de s’Itàlia intrea.

Atzeta, amigu meu, custas rimas,

chi sa vida non ti siat mai dura,

sempre t’assìstede sa bona idea.

Sa giusta via lea,

resessende a fuire sos afannos,

passende allegru e sanu sos chent'annos.

Chena connoscher dannos,

sìasa sempre primu in ogni sagra

e mai epas bisonzu de su viagra.

Cun afetu mannu, Salvadore Patatu

---

Ci associamo a Tore formulando i nostri auguri affettuosi a Paolo Pulina, collaboratore prezioso e apprezzato. (c.p.)