Nel 1847, il teologo Salvatore Cossu, nato a Chiaramonti nel 1799 e per molti anni rettore di Ploaghe, dove morì nel 1868, pubblicò a Kalaris (in sa Imprenta Archiepiscopale “cum permissione”) il “Manuale de sos principales obbligos de algunos istados, qualidades et officios”.

Dal volume estrapoliamo per intero il paragrafo 3 che, sotto forma di domanda e risposta, elenca quelli che sono i doveri comuni dei coniugi. (c.p.)

*****

De su Maridu et Muzere

Domanda: Quales sunt sos obbligos comunes ad su Maridu et ad sa Muzere?

Risposta: Comune ad Maridu et ad Muzere sunt sos sighentes obbligos:

1. Amaresi reciprocamente cum amore puru, fidele et costante, cumpatendesi et supportendesi christianamente sos proprios defectos, de sos quales niunu est esente in custu Mundu.

2. Cunfortaresi et cum affectu et charidade assistiresi in sas maladias, in sas tribulationes et affannos inevitabiles in custa misera vida.

3. Cunservare unu sistema de humilidade, mansuetudine, et paghe inter ipsos, et de bona harmonia cum sos rispectivos parentes (1).

4. Cumpiaghersi pari pari in ogni cosa rejonabile, portende concordes sos pesos de su matrimoniu, attendende, de ordinariu, su Maridu ad s’externa, et sa Muzere ad sa domestica administratione de sos benes; et ambos cooperende ad si sanctificare cum orationes, lemusinas, avvisos, correctiones, et cum su bon’usu de sa paraula de Deus et de sos sanctos Sacramentos.

5. Non defraudaresi in su depidu matrimoniale, nè daresi motivu de s’ingelosire, nè cum peraulas, nè cum opera niuna, qui potat dare sa minima umbra o suspectu de infidelidade: et bennidos in familia, od in servitudine, attender ad sos obbligos de Babbos et de Mammas, Padronos et Padronas.

----------

Nota: (1) Sa molla principale de sa paghe et prosperidade da sos Cojuados, narat S. Janne Chrisostomu, est sa Muzere, tenzende unu inalterabile sistema de cumpiagher in ogni cosa (salvu de evidente peccadu) su Maridu cum su quale mai devet cuntrastare, nè leare aèra de cumandu, qui non dispoticu, ma politicu, pro decretu de sa divina justitia, devet istare semper in su Maridu, ad su quale Deus hat dadu sa Muzere pro cumpagna, et non pro padrona, pro l’adjuare, et non pro lu dominare.