Manos boidas apporro

pedidora de lughe,

pro chi distinga

s’andala grisada,

pro chi b’isterra su passu

e agatte agguantu

chena timer

sas umbras cuguzadas.

di Maria Sale

Lampizos isfòettan sa notte

cun chirrios,

fuende a rujaduras,

de s’istrada majarza de lugore.

Cun s’umbra m’imbergo

in rosùras rujastras

de s’aera apprammàda,

cun nues aneddàdas

serrende

in lacanas istriziles

s’oru soliànu.

di Maria Sale

Inoghe

inue isterro su passu,

inue mi paso

e carigno

M’hap’a frimmare cuada,

chieta e muda

intro sa pija murina sinzada

mustrat carr’iscarrida a sol’e bentu,

ma inue coro appedradu bi tocchedat.

es torra,

lama istrizile de lughe,

incue, a manu nida,

issinzadora

de travigos galanos

e metzanos.

di Maria Sale

Abberu sun prommissas de noàles?

O sun rebuddos chi non bestin nàes,

cun su destinu aurtidu intro s’intragna;

inue han già patidu iscuru cun siccagna.

di Maria Sale

Cabos de seda diligos signalan

sa lacana sestada in car’e palas,

medendemi s’isterrida de alas.

di Maria Sale

a gianna aberta,

cun manos astradas,

mustras mi dat

de caminu inchietu:

travigos noòs

nachi sun sizende…

di Maria Sale

a gianna aberta,

cun manos astradas,

mustras mi dat

de caminu inchietu:

travigos noòs

nachi sun sizende…

di Maria Sale

Su sero istraccu

est isgramende

attera lughe

a lampanas ismentigadas

in sa chijura

‘e fiores allizados.

di Maria Sale

addos biancos de nue

mi luan s’isperiu ‘e altura

e mi che furan

cudd’umile pastura