di Giovanni Patatu

Grazie alla segnalazione di un caro amico, ho saputo che mio padre, che si dilettava di comporre qualche verso in lingua sarda, come tanti della sua e della mia generazione, partecipò con un sonetto a un premio di poesia e risultò addirittura terzo classificato.

Cun sa cumpagna in sorte toccada,

in veridade, pagu amus gosadu.

de Sevadore Patatu 

Giuanne Patatu est nàschidu su tres de abrile de su 1908, da-e famìlia "numerosa e povera in canna", comente issu mantessi narat in su contadu "Como e Tando", chi aberit custa regolta de trabaglieddos suos. Su babbu si naraiat Càralu, o Carolinu, comente lu giamaian sos amigos, fit nàschidu in Tàttari in su 1865 ed est mortu in Zaramonte in su 1921, ancora giòvanu, si cherimus, lassende parte de sa famìlia ancora de immannare, cando Giuanne aiat trèighi annos. Sa mama, Giuanna Budroni, giaja 'Udrone, la giamaimus nois, est morta in Olbia in su 1963, chi aiat 93 annos.

In su comintzu de su 1900 so nâdu deo da-e una famìlia numerosa; so su e de ses fizos, poveros in canna. Viviaimus tottu in d'una istàntzia; bi fit su furru pro còghere su pane e-i sa fogulaja fit addainanti de sa 'ucca 'e su furru, chena tziminea. Su fumu si podiat segare a fittas, comente 'ides sa nèula in sa basciura; non nos bidiaimus pari pari. Pro chi 'essire su fumu bi fin sos isperajolos in sa copertura, chi non bastaian a che lu 'ogare tottu su chi si produiat. Custu fit su drettu cughina (zona giorno li naran como).