E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

Christianu, ti do unu consizu:
Qui ogni die ti signes, nende intantu
In Nomen de su Babbu et de su Fizu
Et tambene de s’Ispiridu Sanctu.

Non ti costat né pena né fastizu,
Qui a Deus dias custu honore et vantu.
Has de sa Rughe forma et assimizu
In te, si ti cuntemplas totu quantu.

Grande misteriosu est su signale:
Cuntenit su qui est Deus in essentia,
Unu et Trinu, distinctu et uguale.

S’est su Fizu incarnadu pro clementia;
Mortu est in Rughe pro dogni mortale,
A redimer s’umana discendentia.

Cfr. "Su Poeta Christianu, o siat Sa Doctrinetta in Sonettos Logudoresos cum alcunas cantoneddas sacras", Tipografia de Gavinu Bertolinis, Tataris 1863, pagina 12