I

Ognunu epat bonu su tribagliu,
trigu bundante e bonu laore.
Atesu si tratenzat ogni isbagliu,
triunfen meritòrios paghe e amore.

Noellas bonas diat su tzaravagliu,
sa gioventude si fetat onore,
de sa salude s'inventet su cagliu,
su carrarmadu diventet tratore.

Chi sesset ogni òdiu, ogni cuntierra,
in sas domos non b'epat pius afannos.
ausentu epan su male e ogni gherra.

De intragnas malas perdemus sos pannos
sian totu frades sos fizos de sa Terra
campende allegros nessi pro chent'annos.