E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

di Bainzu Truddaju

Cara cantu sos ojos de sa fronte

mi ses ancora si m’ammento appena

de cando ‘e candidesa fis piena

che istella polare in s’orizonte.

Tue m’ammentas Paride in su monte

su chi che furesit a Elèna,

cando hat isceltu a Venere in s’arena

de sas bellas. E tue in Zaramonte

fis calculada mantessi unu die

sa pius bella de totu sas bellas,

giara che sole e candida che nie.

Sos modos ti lughian che istellas,

però como ses peus de a mie.

Ca cun d’unu ‘acchiddu t’appuntellas.

Cfr. BAINZU TRUDDAJU, Rosas e ispinas del Baldedu, Ivo Melis Editore, Cagliari 1992. Pag. 210