di Giovanni Soro

No m’at restadu ‘oghe ne lamentu

Pro sighire a cantare melodias

Ca sa terra  es vestida de chimentu

E m’at furadu medas fantasias.

In giru totu es mannu unu desertu

chena sole, nè luna, nè isteddu,

mi mancat puru cudd’amigu espertu

pro distinger su biancu  o su nieddu.

Su covid si ch’at juttu sos companzos:

non tenzo lagrimas  a los lobrare;

sos ojos mios,  tropu, meda lanzos

sun asciustos pro su tantu penare.

Tue, Gèsus Bambinu, immaculadu

dae s’altu chelu, donanos allegrias,

pro cantu in terra an semper isbagliadu

non  fin padronos de sas maladias.

Tzaramonte 24/12/2020