E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

Un'emigrata in Belgio della prima ora risponde a Franco Sechi

Custa lìtera est santa veridade, s'Italia nos at leadu a trampa ca teniat bisonzu de su carvone pro sas industrias suas, s'accordu tra Belgio e s'Italia no at tentu contu chi ant commercialitzadu omines in cambiu de carvone, ambos istados si nde sunt samunados sas manos de sa sorte nostra, a dolu mannu.

Oe semus unu populu de disterrados, non semus nen de Inoghe nen de inie. Dae su 1953 a oe sunt 63 annos passados, amus contribuidu a sa naschida de s'Europa, ma in coro nostru amus mantesu sas lacanas ca ancora oe in die, b'est semper calicunu chi nos faghet presente chi semus zente de intradura.

Su sardu est unu populu a banda
Ca sa Sardigna est in mesu mare,
A man'a pare li faghent sa randa
Sa undas pro l'incadenare.

La lassare est peccadu Mortale
E chie la lassat est peccadore,
Si pur' istat bene patit male
E rimediu non d'at mancu dutore.

Non podet raighinas afungare
In d'una terra chi non sentit sua
Bi sulcat é bi torrat a proare,

Ma li restat su sulcu sempre a bua.

Anna Maria Sechi, de Perfugas, istat a Charleroi