Desideriamo formulare ai nostri lettori tanti auguri di buona Pasqua.

di Istevene Demales

In domo mia est misera sa vida,

ma cun amore la passo serena:

paga cosa a immurzu, ustare e chena,

sa cosa paga est sempre preferida.

Mantenzo sa familia aunida,

pagas pessones, sa domo piena.

Mai pessadu a sa cosa anzena,

si bi pesso sa pedde est atuddida

mai bi sun intrados in possessu

sos lussos de istare in custa domo

pro chi mi mova e no so mai arressu.

Illusiones ne tando ne como

Mi c’hat postu in conca s’interessu

E de richesas mai nde fentomo…

…fossi ca la pesso a su revessu!

Cfr. Poesias de Istevene Demeelas, Grafiche EsseGi, Perfugas 2012, pag. 23.