Desideriamo formulare ai nostri lettori tanti auguri di buona Pasqua.

di Maria Sale

Bestigas d'entu

inghiriant fumajolos longos

cun cara niedda, accalvonada.

Sulant e truvant

bramas passadas,

cuddas lassadas

solas, cuizadas,

iscameddadas,

bramas pasadas,

bramas debadas.

Cretidas bramas

cun bentìnu de galania

che abe in fiore de sutzamele,

punghidoras

betende sa melesa

in logu de semenare,

lassendebi isticones pro allurninzu.

Bramas

in rujadura 'e caminu,

in gianna e in contonada,

lassende chizas noas

fizas de ispantu 'e addoru.

Bramas domadas bajulende,

cun ugnas pistas e cunsumidas

cubende frinas chi betent lentore.

Fumajolos longos,

trumbas in chelu,

cun cara niedda,accalvonada.

Bramas e bramas,

bramas debadas,

bramas passadas.

Cfr. SPRINT-SASSARI, XXVI Concorso di Poesia Sarda CREI-ACLI, Santa Giusta 8 Novembre 2014. Pag. 35