E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

di Vittorio Falchi

Leggere cosas bellas de tiu Bainzu Truddaju faghet sermpre piaghere. Ringraziamos totu sos chi m'ammentan cus'omine chi amos connotu e istimadu.

Retrattu de Bainzu Truddaju

Cust'omine improntadu a sabiesa
de fagher bonu, sabiu e rispettosu
ti dat su coro in manu generosu
che pane friscu chi ponet in mesa.

Ti faeddat cun garbu e gentilesa,
t'iscultat cun prontesa fiduciosu
de bonas noas  isperansciosu
ca cumpatit s'umana debilesa.

Ite peccadu cussa maladia
chi su coro li tenet in tambeddu
procurendeli affannu e sufferenzia.

Deus li diat forza e passienzia
puru privu de brios de piseddu
connoscat medas annos de allegria.


Roma, 17 de Sant'Andria 1984