E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

de Bainzu Cossiga

S'homicidiu quando est voluntariu,

Solet in Chelu vindicta gridare;

Actu est infame, vile, temerariu,

De sa vida su proximu privare.

Su Peccadu Carnale, qui est contrariu

A sa natura, faghet nauseare;

Tantu est indignu, impuru, bruttu et variu,

Q'horrorizzat su solu bi pensare.

Sos Poveros opprimer... ite dannu!

Orphanos et Viùdas specialmente,

Qui gente sunt in pena et in affannu!

Sa paga defraudare ingiustamente

Ai cuddos qui trabagliant senza ingannu,

Vindicta gridat a s'Omnipotente.

Cfr. Su poeta christianu, o siat Sa doctrinetta in sonettos logudoresos cum alcunas cantoneddas sacras, Tataris 1863, Tip. De Gavinu Bertolinis, pag. 26