Immagini del paese
Statistiche
Tot. visite contenuti : 10912161Notizie del giorno
| Sale e Demelas duettano in otavas |
 |
 |
 |
| Lunedì 09 Dicembre 2013 00:00 |
|
Maria Sale e Stefano Demelas, entrambi chiaramontesi e poeti in limba della nuova generazione, Sabato scorso hanno partecipato a Benetutti alla gara di pesia "Otavas currende". L'evento, promosso dal Comune e dalla Pro Loco di quel paese unitamente al Lions Club Goceano, obbligava i concorrenti a discettare sul tema "Modernidade e traditzione". I due poeti chiaramontesi, pluripremiati in tanti concorsi regionali (la Sale ha vinto anche un "Città di Ozieri), hanno partecipato in tandem, confrontandosi sul tema proposto e difendendo, secondo la consuetudine antica de sos poetes de palcu, ciascuno la propria parte. Maria Sale ha trattato della modernità e Stefano Demelas della tradizione. Il loro lavoro è stato apprezzato dalla giuria, che li ha premiati con una menzione d'onore. - Piccolo riconoscimento per noi, dice Maria Sale, ma grande tassello per la salvaguardia di questa tradizione ormai in declino". Per quel che può valere il nostro parere, concordiamo con la seconda parte della sua affermazione e diciamo che tutti i riconoscimenti hanno un loro valore. Pertanto congratulazioni a entrambi. A un'ater'annu mezus! Proponiamo ai lettori la gara intera, che si sviluppa in venti otavas, dieci per ciascuno dei due "contendenti". (c.p.)
1) MODERNIDADE (Sale)
Ater’invitu amus in cunsigna paris cun temas d’alas diferentes. Una sos usos at totu presentes s’atera contat sa novell’insigna. Si tue cantas usos de Sardigna deo mi ch’ando cun modernas zentes. Sas chi tot’ora sun’in movimentu fatende pròas de mezoramentu.
2) TRADITZIONE (Demelas)
Totu sos temas sun bellos cuntzetos, chi dan valor’a s’arrejonamentu. Est parte manna e nde so cuntentu, a faeddare de tantos segretos, ch’at sa Sardigna in totu sos tretos, faghimus ben’a mantenner s’ammentu. Cun piaghere sigo sas istigas, meritu dend’a sas cosas antigas.
3) MODERNIDADE(Sale)
Dalis merìtos e tesselis lodes no ti las neg’incue sas rejones. Ca si rispetan sas traditziones sende fainas de sas zentes sodes. L’isco, ca cheret bene chi l’isnodes pro bi filare sas inventziones. Ca servit estro e bi cheret proas pro modellare sempre cosas noas.
4) TRADITZIONE (Demelas)
S’antighidade osservo bene attentu, ch’est cosa frimma solid’e istabile. Su ‘e oe no est paragonabile, est che neula si si pesat bentu. Ogni cheja ogn’antigu monumentu, faina maestos’insuperabile. Fatas fin pro durar’e pro piagher, timo chi no nde torren manc’a fagher.
5) MODERNIDADE (Sale)
Tenes s’antighidade cun ammiru ti sun’ispantu cussos monumentos. Tzeltu chi sos nuraghes fruscos bentos già sind’an bidu molinend’in giru. Però su sardu s’at postu regiru e cimentadu s’at sos paraventos. In su nuragh’a pèus de s’iscuru già bi teniat fritu e meda puru.
6) TRADITZIONE (Demelas)
“Si fin torrados sos tempos de prima”, comente narat sa massa ‘e sa zente. Tando vivian totu allegramente tra ballos, brincos e cantos in rima. S’unu cun s’ater’aiat istima, como si vivet a s’indiferente. Chen’ischire cumandare cumandant, poi no ischin manc’a ue andant.
7) MODERNIDADE (Sale)
S’in su tempus antigu ti che pones agatas sa prima discendentzia. Bidimus ladina diferentzia, ch’est cosa tzerta no sunt paragones; ca s’est divisa in tantos cumones sende chi fini ‘e tott’un’erentzia. E pro distingher su populu sou totu s’an fatu modas da-e nou.
8) TRADITZIONE (Demelas)
Ispalghende sa paz’a bator bentos s’era modern’est fatend’abolotu, distruende su mund’ind’unu botu. Sunt finas bellos sos cambiamentos, però, istendebei ben’ atentos e senz’ismentigare su connotu. Ch’in barant’annos tot’an boltuladu, ponzende fog’a totu su passadu.
9) MODERNIDADE (Sale)
Como ripito su chi t’apo nadu chena t’isterrer sos campionarios. Sa zente s’at in sos tempos varios, modernidades noas inventadu. Cussas matessi, cun tempus passadu, usos diventan traditzionarios. E ti lu naro, s’est chi no l’ischias, como sunt tuas ma fint modas mias.
10) TRADITZIONE (Demelas)
Tot’istampados che trudda pistunta, perdende de sa ratza su ‘entinu. Che cando cun bentone e capotinu, una eràda aian pro aggiunta. Cando in sardu fato sa pregunta, tratana s’italianu porcheddinu. Finas sa limba an sepellidu como cun cudd’italianu fat’in domo.
11) MODERNIDADE (Sale)
Semus in s’era ch’est globalizada pro ‘idere sos populos unìdos. Tue ses amantiosu ‘e cumbìdos però sa zente com’est impressada. Est cun pinnicu d’essire mudàda cun su modern’istile ben’’estìdos. Ca b’at fin’unu diciu fentomadu, chie no sighit mod’est cundennadu.
12) TRADITZIONE (Demelas)
Besso mudadu pro andare in giru, cun su costum’estid’a pomp’e gala. Sos istratzitos los ponz’a un’ala Ca sunt cosas de ponner in retiru. E no est cosa de grande ammiru, sos caltzones in groppa fala fala. Poi su mundu est sempr’una roda su nou imbetzat, deo torro ‘e moda.
13) MODERNIDADE (Sale)
Betzas e noas sempre suni modas, cun sos imbentos d’onzi calidade. Ses bidu sempre dà s’antighidade, bessit sa noa sa ‘etza l’accòdas. Giran est beru, ch’esserene rodas, ma cand’est subra est modernidade. A bortas torrat, su ‘etzu a disvariu, ma est petzame pro s’anticuariu.
14) TRADITZIONE (Demelas)
Sas copias chi andan a s’altare, sunt riduidas su vinti pro chentu. Pro sighire su mannu isperimentu, sa carriera lùghida chilcare. Miscende chent’e una cos’a pare e in domo no faghen ausentu. Andend’adainanti a pass’istesu dividende sa domo mesu mesu.
15) MODERNIDADE (Sale)
Si mi fentomas sa divisione tocat de misurare s’argumentu. Bides intro su sacru naschimentu s’amore cun mann’istitutzione. Ma non si podet fagher paragone cun s’amore chi fatu s’est turmentu. Mezus in paghe vivan dividìdos chena delitos feos cummitìdos.
16) TRADITZIONE (Demelas)
A peus chi s’annada est a s’imbesse s’omine faghet progetos metzanos. Prima cun su suor’e cun sas manos resessiat a fagher interesse. Como ch’est totucantu a su peresse cunvintos d’esser bonos cristianos. Pagu dispostos a donar’agiudu e denneghend’in cara su saludu.
17)MODERNIDADE (Sale)
Tue cheres sa zente cun faìnas e pro saludu dende s’adiòsu. Su giovanu chi ti paret mengòsu amigos nde tenet a chentìnas. Lis narant amicitzias “fesbuccìnas”, si “ciatana” e si ch’iden in “tubòsu”. E b’at fintzas pro te, in s’internete, bellas berritas e calchi bonete.
18) TRADITZIONE (Demelas)
Sa zent’’e oe si leat apretu, e pro cussu su mund’est ch’andat male. Ma deo sigo unu bonu ideale pretend’in domo femina e letu. Fatend’aficu a s’amore cuncretu a su post’e s’amore virtuale. Fac’e bucu, internete e tubòsu ti faghen sonniare chena gosu.
19) MODERNIDADE (Sale)
Comente curret tempus a s’indonu andat sa zente cun su mundu totu. Su chi ‘idimus, non s’est fat‘ebotu, ma l’an fatu teracos cun padronu. Su ch’est restadu fit manizu ‘onu de s’operosidade tent’annotu. Chi fit moderna cando l’ana fata e-i su tempus l’at lassad’indata.
20) TRADITZIONE (Demelas)
Finende, s’arrogantzia dannosa, no at batidu mai bonos frutos. Semus a su mezoru resolutos, cun mente sana e man’operosa. Abistos in s’andar’in dogni cosa, che resolz’arrodada sempre acutos. Ch’istet dogn’unu a su postu sou, dende valore a betz’e a nou.
|
| Ultimo aggiornamento Lunedì 09 Dicembre 2013 10:57 |
